BÁGOAS FEMININAS… E SILENCIOSAS (2)

LA VOZ DORMIDA de B. Zambrano é unha homenaxe ás mulleres que choraron  vítimas da guerra do 36, máis podería facerse extensiva a homenaxe a todas aquelas  mulleres que choran polo mesmo motivo neste mesmo instante en que escribo esta nota.

Onte fun ver esta película e de novo, cando visito o cine para ver unha historia sobre esta temática, volvín pensar que non nos queda tan lonxe e que dura foi a vida para as nosas avoas e avós.

Mais á parte dos temas constantes, da homenaxe da que se fai ás mulleres vencidas e compañeiras dos vencidos (do que se falará  e se falará, como debe ser), houbo un aquel que  me chamou a atención. Nela podo atopar un argumento moi ilustrativo da importancia de saber escribir e ler, e que nunca sabemos cando o imos necesitar. Tensi, a moza que desexaba ser mestra, puido no cárcere ler a carta do seu home e tivo un momento de amor naquela celda infrahumana, un instante de humanidade que a fixo voar de novo. Tensi puido dar a coñecer aos que estaban fóra o padecemento das mulleres e dos nenos que estaban amoreados naquel rocho putrefacto. E todo porque alguén lle ensinara a ler e a escribir. Nunca tería imaxinado ela do que lle ía servir. Escribir, dicir. Ler, sentir. E que triste que o seu home tivese que recorrer a outro para que lle escribise a carta, pois el non sabía escribir. Hai momentos en que escribir preserva a nosa intimidade.

E a metáfora de “comer as verbas” (cando teñen que comer a carta para que non llela incauten) que remite ao silencio obrigado da posguerra.

Dá para falar moito, e isto que veño de comentar non é o máis importante, pero si é necesario lembralo nestes tempos de pouco cariño á cultura e ás letras.

Ide ver a película. É moi dura e triste. Pero hai que recordar de vez en cando estas historias.

A min agora tócame ler o libro, é unha conta pendente.

Se queredes ler algún comentario sobre o libro, neste blog atopei algo interesante 

http://www.librosyliteratura.es/la-voz-dormida.html#comments

Advertisements

2 thoughts on “BÁGOAS FEMININAS… E SILENCIOSAS (2)

  1. Pois esperamos a que saia en DVD ou se es partidaria de baixala de internet (aínda que a calidade de imaxe non sexa a mesma), pois báixaa. E senón, sempre queda o libro. Eu xa o teño anotado nas lecturas pendentes.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s