TORTA DE MAZÁ

http://solorecetas.com/tarta-de-manzana/1171

A habitación de estudo semellaba desmantelada, semellaba habitada por alguén afectado pola síndrome de Dióxenes: os papeis amoreados, mesturados, pelexando cada un polo seu lugar, por ver a luz; os libros rubindo en pequenos rañaceos; cadernos, bolígrafos… insufrible tanta desorde. 

O día transcorreu entre tarefas de revisión, isto para aquí, aquelo para alá; os devedés ausentes, apareceron; libros esquecidos, acordaron.

Logo falou por teléfono, como todas as noites, un hábito instalado na súa existencia como o respirar. A vida nómade é o que ten. Aínda lembra as noites frías de inverno buscando unha cabina telefónica -cando aínda os móbiles eran ladrillos-, ou esperando a que o falante sen silencios cesase a súa conversa. Media vida pendente do teléfono para acompañar a súa soidade. 

Namentres parolaba, chegou o arrecendo a torta de mazá desde a cociña. De entrada non sorprendeu. Un cheiro moi familiar, habitual da súa infancia. Logo de colgar, retomou a orde das cousas, esquecendo o feito de ter olido aquel doce. A aquelar o habitáculo para telo algo decente á volta das vacacións.

Xa preto da medianoite, baixou á rúa, o can devecía por saír respirar un pouco. E, xa de regreso, foi cando se decatou conscientemente do protagonismo do arrecendo. Cheiraba a torta de mazá, cheiraba a nai. A mamá estaba a pasar uns días con ela, o piso era máis grande coa compañía, rebordaba fachendoso coa emoción. E sentiu un lene agarimo invisible, ese que tanto precisaba sentir. 

O acocho sabía a torta de mazá, a infancia, esa infancia feliz que levaba dentro súa marcada a lume.

 

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s